Ukujula kwe micabango yakho kwaziwa nguwe. Ukujula kothando lwakho kwaziwa nguwe kanye noku jula kwenzondo yakho kwaziwa nguwe. Ukujula kokholo lwakho futhi lwaziwa nguwe.
#bukaLa nokujula kwenjabulo kanye nenkululeko yakho kulele kuwe.
Empilweni ziningi esithi uma sizenza sizikhele phezulu futhi iningi lazo aliphumeleli. Imvamisa yazo zivele zisheshe kanti vele zingu mlilo wamaphepha ngoba vele asizange siye ekujuleni kwazo.
Namuhla baningi abantu abazithola bekhalela izinto ezihambe zaphelelwa isikhathi ezimpilweni zabo. Ayi ngoba bekhaliswa ukuphela kwezinto abebenazo kepha babuka izibazi ezibashiye nazo bese bekhala kakhulu. Abanye baze bazikhohlise bethi ngoba benalezi zibazi nje kumele basale sebehlala ngoba vele sekonakele kanti CHA!! Kubalulekile ukuthi udlule noma zikhona izibazi.
#IzwaLa buyela ekujuleni kwempilo yakho uyobheka ukuthi ngabe iyona mpilo obuyidinga le. Impilo nempilo inenjongo yayo, okubiza ukuthi umuntu nomuntu afune injongo yempilo yakhe.
Ake sisukeni osebeni kepha sidlulele ekujuleni kwezifiso zethu ngezimpilo zethu. Ungabe usabheka ukuthi sewuzame kangakanani kunga lungi. La ukhona ake uhlele impilo yakho uze ufike ekujuleni kwayo, uzobona la kumele ulungise khona .
#bambaLa uma kumele ufake umfutho emsebenzini wakho (career) uzokwenza njalo. Uma kumele ujule ngothando okulo uzojula futhi uma nje usaphila usenga faka umoya ubone uphuma nani.
Khohlwa ubusuku bonke ungalali uzama. Khohlwa abantu asebefike empilweni yakho bakuzwisa ubuhlungu bese bakushiya. Khohlwa izibazi osele nazo ngoba ezinye zazo zisaluma okusho ukuthi awukapholi kahle ngaphakathi. Wena buyela ekujuleni kwempilo yakho; okudinga ukulahlwa kulahle nokudinga ukulungiswa ukulungise.
Comments
Post a Comment